Handelsbetingelser

Handilstreytir

1. Eigari av heimasíðuni

Eigari av nethandlinum Medinor er:

Medinor Sp/f
V-tal: 680702
Mylnugøta 18, FO-700 Klaksvík
Telefon: 500900
Teldupostur: medinor@medinor.fo

2. Avtalustovnan

Tá ein bílegging verður gjørd umvegis Medinor.fo, sendir skipanin sjálvvirkandi eina bíleggingarváttan til teldupostbústaðin, sum kundin hevur upplýst. Tá bíleggingarváttanin er móttikin, er ein bindandi avtala stovnað.

Tá Medinor sendir vøruna av goymsluni, verður ein teldupostur sendur við nærri upplýsingum um væntaða leveringartíð og leveringardag.

Almennu handilstreytirnar hjá Medinor galda bert fyri vinnukundar.

3. Gjalding

Gjald verður framt við teimum gjaldsháttum og freistum, sum verða upplýst í nethandlinum, á faktura ella í serstakari kundaavtalu. Um einki annað er avtalað, er gjaldsfreistin 14 dagar frá fakturadegi.

Fyrispurningar kunnu eisini sendast við telduposti til bokhald@medinor.fo ella við telefon á 500900 — minnist til at upplýsa kundanummar.

Við falnari skuld hevur Medinor Sp/f rætt til at leggja rentu á, krevja áminningargjald og steðga framtíðar leveringum.

4. Bankasamband

Betri Banki P/F
Yviri við Strond 2
100 Tórshavn
Reg.nr. 9181
Kontonr. 6107291
Medinor Sp/f V-tal: 680702

5. Levering

Medinor veitir bert vørur til adressur í Føroyum. Vørur verða vanliga leveraðar 1–3 arbeiðsdagar eftir móttøku av bílegging. Longri leveringartíð kann koma fyri á serligum vørubólkum.

6. Ognarrættarfyrivarni

Allar vørur og øll produkt, sum Medinor hevur leverað, verða verandi ogn hjá Medinor, inntil full gjalding er móttikin frá keypara, um treytirnar fyri ognarrættarfyrivarni eru loknar.

Inntil gjaldingin er móttikin, skal keyparin viðgera vørurnar sum ogn hjá Medinor og goyma tær á tryggan og forsvarligan hátt. Keyparin skal ikki selja vørurnar víðari, seta tær í veð, leiga tær út ella á annan hátt ráða yvir teimum, áðrenn ognarrætturin er farin yvir til keypara.

Medinor tilskilar sær rættin til at taka neyðug stig fyri at tryggja síni rættindi í vørunum, herundir rættin til at heinta vørurnar aftur fyri rokning keyparans, um gjaldstreytirnar verða misrøktar.

7. Prísir

Allir prísir eru upplýstir í donskum krónum (DKK), íroknað møgulig avgjøld og uttan MVG. Bíleggingar verða skrásettar til teir prísir, sum galda á leveringartíðspunktinum.

Medinor tekur fyrivarni fyri møguligum prísjavningum, broytingum í produktspesifikatiónum, avgjaldsbroytingum, prent- og myndavillum o.ø.

8. Reklamatión

Møguligar villur og manglar í einari levering skulu fráboðast kundatænastuni hjá Medinor uttan ógrundaðan steðg. Fráboðan kann gerast við telduposti til medinor@medinor.fo ella við at ringja á tlf. 500900.

Reklamatiónsrætturin fylgir lóggávuni, uttan so at annað er avtalað.

Verða manglar staðfestir, hevur Medinor rætt til eftir egnum meti at velja millum:

• at bøta um mangulin,
• at umlevera vøruna,
• at geva príslækking ella taka vøruna aftur móti endurgjaldi av keypsupphæddini.

Við týðandi manglum á vøruni kann kundin senda vøruna aftur uttan kostnað. Verður ikki reklamerað rættstundis, missir kundin rættin til at gera omanfyri nevndu mangulsrættindi galdandi mótvegis Medinor.

9. Returvørur

Afturbering skal avtalast við kundatænastuna hjá Medinor, áðrenn vøran verður send til Medinor. Annars kann Medinor nokta at móttaka vøruna.

Vøran skal sendast aftur í reinum, óbrotnum og óskaddum upprunapakkningi. Upprunapakkningurin skal harumframt verjast undir returflutninginum. Hevur vøran eina útgongudagfesting, skal eftirverandi haldførið, tá Medinor móttekur vøruna, vera í minsta lagi 3 mánaðir ella 1/3 av samlaða haldførinum.

• Vørur, sum eru útvegaðar serliga, logovørur, vørur gjørdar eftir máli ella aðrar serliga heimtiknar vørur, verða ikki tiknar aftur.
• Kølivørur og matvørur verða ikki tiknar aftur.
• Sterilar vørur verða ikki tiknar aftur.

Flutningsskaðar skulu fráboðast beinanvegin við móttøku til flutningsfelagið og til kundatænastuna hjá Medinor.

Er vøran rætt aftursend, verður kreditering latin soleiðis:

• 0–30 dagar eftir levering av vøruni: 100 % kreditering
• 31–90 dagar eftir levering av vøruni: 75 % kreditering
• Meira enn 90 dagar eftir levering: 0 % kreditering

10. Gevið gætur: Møgulig flutningsískoyti og gjøld verða ikki endurgoldin

Returflutningur verður mótroknaður í upphæddini, sum verður krediterað.

Um ein vøra skal sendast aftur vegna eina villu frá Medinor, rindar Medinor returflutningin, og krediteringsupphæddin er 100 %. Hetta treytar, at Medinor fær kunnleika um villuna beinanvegin eftir móttøku av vøruni.

11. Endurgjaldsábyrgd hjá Medinor

Endurgjaldsábyrgdin hjá Medinor kann ongantíð vera hægri enn virðið á vøruni. Medinor ber ongantíð ábyrgd fyri óbeinleiðis tap ella fylgitap hjá kundanum ella triðjamanni.

12. Force majeure

Hvør partur verður frítikin fyri ábyrgd fyri seinking ella vantandi uppfylging, um hetta stendst av einum tilburði uttan fyri rímiliga ræði hjá pørtunum. Hetta fevnir millum annað um óvæntaðar hendingar, kríggj, eld, uppreistur, verkføll, lockout ella aðrar álvarsligar arbeiðsósemjur, ófriður, jarðskjálvti, vatnflóð, spreingingar, farsóttir, pandemiir ella aðrar náttúruhendingar.

Skyldur og rættindi hjá tí frítikna partinum verða longd dag fyri dag í tí tíðarskeiði, sum svarar til slíka orsakaða avbrotstíð. Tá slíkar hendingar eru avtiknar, taka skyldurnar hjá pørtunum við aftur.

Um avbrotið í skyldunum hjá tí frítikna partinum heldur fram í meira enn 30 kalendaradagar, hevur hvør partur rætt til at siga viðkomandi avtalu upp uttan ábyrgd. Uppsagnin skal gerast skrivliga við 30 kalendaradaga freist til hin partin.

13. Hardship

Medinor tekur harumframt fyrivarni fyri øðrum óvæntaðum leveringartarni, so sum viðurskiftum sum Medinor ikki hevur ræði á, har møguleikin at uppfylla sáttmálan má metast at vera útilokaður ella eyðsæð órímiligur.

Medinor tekur eisini fyrivarni fyri støðum, har uppfylling av sáttmálaskyldum framvegis er møgulig, men har skyldurnar vegna óvæntaðar uttanhýsis støður eru vorðnar óvanliga tyngjandi. Hesin hardship-klausulurin gevur Medinor rætt til at krevja, at sáttmálin verður tikin upp til nýggja samráðing eftir áheitan.

14. Broytingar í treytum

Medinor kann uttan fráboðan broyta hesar handilstreytir.

15. Lógarval og rættarstaður

Ósemjur millum partarnar, sum standast av avtaluni millum partarnar, skulu avgerast eftir føroyskari lóggávu. Vanligu tulkingarreglur og próvreglur í føroyskum rætti skulu nýtast.

Altjóða privatrættarreglur í føroyskum rætti skulu tó ikki nýtast í tann mun, tær vísa til nýtslu av fremmandum rætti. Harumframt skal CISG, tann altjóða keypslógin, ikki nýtast.

Um rættarstøðan hjá einum parti vegna broytta lóggávu, dómsvenju ella líknandi er munandi øðrvísi á tíðspunktinum, tá ósemjan tekur seg upp, enn hon var á tíðspunktinum, tá henda avtalan varð gjørd, skal ósemjan í størst møguligan mun avgerast eftir føroyskum rætti, sum hann var galdandi á tíðspunktinum, tá avtalan varð gjørd.

Rættarstaður er Føroya rættur.

16. Cookies

Medinor nýtir cookies til at betra brúkaraupplivingina á pallinum, millum annað til at minnast valini hjá kundanum og til hagtøl.

Fyri meira kunning verður víst til cookiepolitikk hjá Medinor.

17. Persónsdátupolitikkur

Fyri at kunna gera avtalu við Medinor og keypa á Medinor.fo eru hesar upplýsingar um fyritøkuna neyðugar:

• Navn
• Adressa
• Telefonnummar
• Møguligur kontaktpersónur
• Teldupostadressa
• Leveringsynski
• Gjaldsháttur
• Upplýsing um IP-adressuna, haðani keypið er framt
• Upplýsing um, hvat er keypt og møguliga sent aftur
• Møguligar upplýsingar um fyrispurningar og reklamatiónir

Medinor viðger møguliga persónsupplýsingar við tí endamáli at kunna levera vøruna til kundan og at kunna viðgera fyrispurningar viðvíkjandi keypinum.

Viðgerðin fer fram sambært reglunum í persónsdátupolitikkinum hjá Medinor fyri Medinor.fo. Har ber til at lesa meira um, hvussu upplýsingarnar verða viðgjørdar, nær tær verða strikaðar, og hvørji rættindi skrásetti persónurin hevur.

Gevið gætur: Omanfyristandandi eru almennu standard sølu- og leveringartreytirnar hjá Medinor. Um ein avtala er gjørd við Medinor, har serligar ella individuellar sølu- og leveringartreytir eru gjørdar, hava tær framíhjárætt fram um almennu standard sølu- og leveringartreytirnar hjá Medinor.

Hesar handilstreytir eru galdandi útgávan og koma í staðin fyri allar eldri útgávur.

Seinast dagført: 1. september 2026.